張崇德同太太劉美娟、可嵐、周啟生、劉威煌等今日喺九龍塘出席良心社企活動，曾任DBC數碼電台節目主持嘅劉美娟，對於公司提早交還廣播牌照，佢話：「我o依家需要良心社企請我。」

張崇德話之前有機會去監獄，探訪一個被判終生監禁嘅囚犯，佢指對方因為上訴得直而提早出獄，當時張崇德同劉美娟想幫佢重投社會，不過對方一口拒絕，堅持以自己能力踏入社會，後來佢仲出書分享自己經驗，所以張崇德同劉美娟希望社企多啲幫助有需要嘅人。

提到5歲大嘅囝囝，可嵐透露近日為囝囝明年升小一而頻撲，佢話：「上星期去拔萃小學交報名表，排咗好耐，有2,3000人排隊，其實佢成績唔錯，有天份，我都想俾佢讀一間好學校。」可嵐更指囝囝早前參與一個劍橋英文考試攞全滿分，所以同囝囝食德國大餐慶祝。