參與社企

博愛Café

經營理念及服務方針:
博愛Cafe成立,是為了讓青年實踐夢想。 「博愛Café」於2014年開業,是博愛醫院第一間社會企業,目的是為元朗和天水圍區內的青年製造就業機會,培訓年青專業咖啡師,提昇工作技能和就業能力,加強社會競爭力。 Café除了提供餐飲服務,更加是一個讓青少年發展興趣和潛能的平台,實踐作為社企的理念和責任。例如,會舉辦咖啡拉花、餐飲製作或甜品興趣班,以及入校咖啡文化培訓課程等等,啟發青少年思考日後人生發展方向,定立升學擇業目標,裝備自己。 博愛Café適合學校、團體及私人生日派對、聚會包場或小型音樂會活動。 Café設備整全,包括:超大螢幕,配備視聽器材,可供播放音樂、電影或電子遊戲,又設有小型舞台及各類樂器,可供派對及音樂交流表演。
社企故事:
咖啡師阿欣:我嘅夢想係將來可以開一間自己嘅Café,而喺博愛Café工作,俾我學習點樣去營運一間Café,裝備自己,同時亦都係一個好好嘅平台,俾我認識到好多對咖啡有興趣,有共同愛好嘅年青人,大家好似同伴咁去追求夢想,發揮所長。雖然我以前喺連鎖店係做咖啡師嘅工作,但係所接觸嘅崗位都係好單一,只係沖咖啡飲品,或者做樓面,但係博愛Café就俾我哋好多元化嘅體驗,餐飲方面可以學埋煮意粉、曲奇、甜品小食,仲可以出去教咖啡班同埋做展銷,有更多接觸人嘅機會,學到點同人溝通。博愛Café俾我好大自由度去創作同埋嘗試,當我諗到一款新嘅飲品,或者一個新餐,我可以學到點樣設計餐單、試味、去搵食材、搵供應商、計成本、做定價、然後宣傳,整個流程都可以好大自由,俾我有機會去發揮。例如我哋嘗試種植咗好多款香草,又搵左好多唔好嘅食譜參考,最後用咗艾草,同埋薄荷葉,創作咗多款新嘅香草曲奇!
新界天水圍天恒邨停車場大樓A翼5樓2號單位
一 下午 12:00-下午 7:00, 二 下午 12:00-下午 7:00, 三 下午 12:00-下午 7:00, 四 下午 12:00-下午 7:00, 五 下午 12:00-下午 7:00, 六 下午 12:00-下午 7:00, 日 上午 10:00-下午 6:00, 公眾假期 休息